Avtomobil almaq həmişə çox ciddi və məsuliyyətli bir missiyadır, bundan sonrakı bir neçə il üçün gələcəyiniz də ondan asılıdır. Və bu prosesdə əsas amillərdən biri qiymətdir.

Lent.az-ın xarici KİV-ə istinadən məlumatına görə, təəssüf ki, avtomobil qiymətləri 2025-ci ildə “çoxillik ən yüksək həddə” qalır. İşlənmiş avtomobilin orta qiyməti 5 il əvvəlkindən 31 faiz bahadır. Buna görə də, yaxşı bir sövdələşmə etmək üçün, avtomobili nə vaxt almaq daha yaxşı olduğunu başa düşmək vacibdir.

Tarixən qış aylarında yeni və işlənmiş avtomobillərə tələbat azalır. Bu bir neçə amillə bağlıdır:

* İnsanlar pis havada avtomobilləri sınaqdan keçirmək istəmirlər.

* Əksər insanlar avtomobil almaqdansa, xərclərini bayramlara yönəldirlər.

Bu, adətən avtomobil istehsalçılarından və dilerlərdən endirimlərin və promosyonların artmasına səbəb olur. Ancaq isti havaların gəlməsi ilə alış-veriş vərdişləri dəyişir.

2023 və 2024-cü illərdə 34 milyondan çox işlənmiş avtomobil satışını təhlil edən iSeeCars avtomatik axtarış sisteminin hesabatına görə, endirim əldə etmək ehtimalı baxımından avtomobil almaq üçün ən pis dövrlər adlandırıla bilən bir sıra dövrlər var.

Bunlardan biri iyun ayının üçüncü həftəsidir. Bu zaman endirimlərin sayı orta hesabla 33 faiz azalır. Bundan əlavə, iyun ayında daha ucuz qiymətə avtomobil almaq şansı qış və ya payızdan 30 faiz azdır. Eyni şey may (27,8 faiz daha az endirim), iyul (22,5 faiz), aprel (16,8 faiz) və avqusta (8,5 faiz) aiddir.

Bildirilir ki, yeni modellər adətən yayın sonu və ya payızın əvvəlində buraxıldığından bir çox alıcı yeni avtomobil almaq üçün bir neçə ay gözləməyə üstünlük verir.

Alıcılar yeni avtomobil almaq üçün payıza qədər gözlədikdə, yayda daha az sövdələşmə baş verir, bu da işlənmiş avtomobillərin tədarükünü azaldır və onların qiymətlərini artırır.

Yazda isə əksinə, qışa nisbətən tələbat artır ki, bu da qiymətlərin artmasına səbəb olur.