"Ford F-Series" 2025-ci ilin ən çox satılan avtomobili olaraq "Toyota" modellərini geridə qoyaraq lider olub.

HİT.az xəbər verir ki, avtomobil portalı "Focus2Move" məlumatına görə, 2025-ci ilin fevral ayına qədər 198 557 ədəd "Ford F-Series" satılıb. İkinci yerdə "Toyota RAV4", üçüncü yerdə isə "Toyota Corolla" qərarlaşıb.

Mütəxəssislər bildirirlər ki, ən çox satılan avtomobillərin siyahısında hələ də dizel və benzinlə işləyən modellər üstünlük təşkil edir. Bununla belə, elektrikli avtomobillərə olan tələbat da sürətlə artır.

Eyni zamanda, "Tesla" ciddi çətinliklərlə üzləşib və şirkətin satışları kəskin azalıb. Mətbuatda yayılan xəbərlərə görə, bu azalma, əsasən, "Tesla" şirkətinin həmtəsisçisi İlon Maskın siyasi mövqeyi ilə bağlıdır. Digər bir səbəb isə "Tesla Model Y" üçün yeni istehsal xətlərinə keçidlə əlaqələndirilir.

2025-ci ilin ən çox satılan 10 avtomobili:

Ford F-Series – 198 557 ədəd
Toyota RAV4 – 189 392
Toyota Corolla – 171 279
Honda CR-V – 134 453
Toyota Camry – 103 156
Kia Sportage – 96 508
Tesla Model Y – 95 956
Hyundai Tucson – 92 329
Toyota Hilux – 87 768
Toyota Yaris – 84 877

Samir