2026-cı ildən Çindəki bütün yeni nəsil BMW avtomobilləri Çin internet nəhəngi "Alibaba"nın süni intellekti ilə təchiz olunacaq. 

HİT.az xəbər verir ki, şirkət bundan yerli avtomobil istehsalçıları ilə fərqi aradan qaldırmaq və “hərəkətliliyin yeni erasını açmaq” üçün istifadə etməyə ümid edir.

Yeni sistemə iki rəqəmsal köməkçi daxil olacaq: bortda texniki ekspert olacaq "Car Genius" və naviqasiya və əyləncə üçün yoldaş olan "Travel Companion". O "Alibaba"nın "Qwen" dil modelinə əsaslanır. Sistem nitqi daha yaxşı başa düşə, restoranlar təklif edə, marşrutlar planlaşdıra və müəyyən bir sürücünün vərdişlərinə uyğunlaşa biləcək.

"Alibaba" ilə tərəfdaşlığımız birlikdə böyüməyə nümunədir. Əsas məqsəd Çinli sürücülər üçün daha ağıllı, təhlükəsiz və fərdiləşdirilmiş səyahət təcrübəsi yaratmaqdır", deyə "BMW Çin"in prezidenti Şon Qrin bildirib. 

BMW və "Alibaba" arasında əməkdaşlıq hələ 2015-ci ildə başlayıb. O vaxtdan bəri onlar rəqəmsal həllər və texnologiyaların avtomobillərə inteqrasiyası üzərində birgə işləyirlər.

Samir