Günəş altında qızmar maşına oturmaq yayın ən xoşagəlməz anlarındandır. Tədqiqatlar göstərir ki, hava temperaturu 27°C olduqda, maşın salonunun istiliyi cəmi 10 dəqiqə ərzində 37°C-yə qalxa bilər. Lakin hidrodinamika adlanan kiçik bir fenomen dəhlizə təzə hava gətirərək boğucu istini aradan qaldıra bilər.

HİT.az xəbər verir ki, Kembric Universitetinin riyaziyyat professoru Hanna Fray bunun necə baş verdiyini izah edir:

"Kondisioneri işə salmaqla narahat olmayın. Bu 5 dəqiqə çəkəcək. Buna dəyməz!"

Professor özünün daim tətbiq etdiyi üsulu nümayiş etdirir, lakin bunun gülməli görünə biləcəyini deyir.

Təlimat: Maşını park edin və sağ arxa pəncərəni tam açın. Maşının xaricində dayanaraq sürücü qapısını bir neçə dəfə sürətli açıb bağlayın.

Fray izah edir: "Qapını sürətli açıb-bağladıqda, xüsusilə də tələsik etdikdə, qapı xaricə hərəkət edərək qarşısındakı bütün havanı kənara atır".

Elmi izah: Maşının içərisindəki "isti, boğucu, xoşagəlməz hava" xaricə çıxdıqda, sürücü yeri yaxınlığında aşağı təzyiq zonası yaranır. 

Fray deyir: "Bu boşluğu doldurmağın yeganə yolu, qarşı tərəfdən arxa pəncərədən daxil olan təravətli, təzə havadır. Aşağı təzyiq zonasına havanın axması – küləyin iş prinsipi kimi – həcm axını adlanır".

Professorun videosu altındakı şərhlərin çoxu metodun təsirli olduğunu təsdiqləyir: "Elmi sübutların olduğuna sevindim, çünki bunu edərkən özümü axmaq kimi hiss etsəm də, 100% işləyir!!" (TikTok istifadəçisi)

Lakin bəzi mütəxəssislər hələ də kondisionerdən istifadəni məsləhət görür, çünki hər regionda bu üsul effektiv olmaya bilər.

Samir