Çoxlu sürücülər üçün avtomobil seçimində ən mühüm meyarlardan biri onun etibarlılığıdır. Əksər avtomobilistlər nəqliyyat vasitələrinin ciddi nasazlıqlar olmadan uzun illər xidmət edə bilməsini istəyir.
HİT.az xəbər verir ki, "GoBankingRates" 2025-ci ildə almağı məsləhət görən etibarlı krossover və SUV modellərini açıqlayıb. Onların sözlərinə görə, bu modellər ciddi problemlər olmadan 15 il və daha çox xidmət edə bilərlər.
"CarEdge"in Baş Direktoru Zak Şefska jurnalistlərə dedi ki, "Honda CR-V" etibarlı ailəvi krossover axtaranlar üçün uyğun olacaq. O, modelin çox aşağı yanacaq sərfi təklif edən hibrid versiyasına diqqət yetirməyi məsləhət görüb:
"Honda CR-V" ötən iki onillikdən çoxdur ki, etibarlılığı, rahat interyeri və aşağı saxlanma xərclərinə görə ən çox satılanlardan biridir. Bu, kompakt krossover almaq istəyən alıcılar üçün ən etibarlı variantlardan biridir".
"Toyota RAV4" dünyada ən məşhur krossoverlərdən biri olaraq qalır. Buna modelin kifayət qədər aşağı qiyməti və etibarlılığı səbəb olur.
"NX Auto Transport"un qurucusu Karl Rodriges jurnalistlərlə söhbətində qeyd etdi ki, "Toyota RAV4" nadir hallarda nasazlıqlarla üzləşir. Onun sözlərinə görə, bu, öz seqmentində ən etibarlı krossoverlərdən biridir.
"Cash Auto Salvage" şirkətinin qurucusu Mark Skirvin bildirib ki, "Toyota 4Runner" müasir ən etibarlı offroaderlərdən biridir. O, bu avtomobilin ciddi nasazlıqlar olmadan asanlıqla illərcə xidmət edəcəyinə əmindir.
"Müntəzəm və keyfiyyətli texniki qulluq ilə "Toyota 4Runner" 480,000 kilometrdən çox məsafə qət edə bilər", deyə ekspert bildirib.
Skirvin həmçinin krossover "Honda Pilot"a diqqət yetirməyi məsləhət görüb. O, bu modelin əla üçsıralı avtomobil axtaranların xoşuna gələcəyini vurğulayıb:
"Onun mühərriki inanılmaz dərəcədə etibarlıdır və Hondanın etibarlılıq baxımından nüfuzu marketinq hərəkəti deyil".
Zak Şefska hesab edir ki, "Lexus GX 550" premium offroaderlər arasında etibarlılığa görə lider olaraq qalır. Bu, "Land Cruiser Prado"nun daha dəbdəbəli alternatividir:
"Yeni "Lexus GX" dəbdəbə və ciddi offroad imkanlarını birləşdirir. O, həm də rəqiblərindən daha etibarlıdır".
Samir
