"Audi" şirkəti uzun illik tarixi ərzində çoxsaylı müxtəlif avtomobillər buraxıb, onlardan bəziləri kult statusu qazanıb. Onların arasında indi köhnə bazarda sərfəli qiymətə almaq olan, həddən artıq etibarlı modellər də var.

HİT.az xəbər verir ki, "Top Speed" nəşri köhnə bazarda ən etibarlı "Audi" modelini açıqlayıb. Bu, hazırda yeni büdcə avtomobilinin qiymətinə alına bilən premium avtomobildir.

Nəşrdə "Audi A6"nın C6/4F kuzovlu modellərinə diqqət yetirmək tövsiyə olunur. Mütəxəssislərin sözlərinə görə, bu, markanın köhnə bazardakı ən etibarlı modellərindən biridir.

Qeyd olunur ki, ən yüksək etibarlılıq göstəricilərini 2010-cu il buraxılışlı "Audi A6" nümayiş etdirir. Bu model sedan və universal kuzovlarda mövcuddur.

Həmçinin nəşrdə "Audi A6" təriflənərək, onun stil dizaynı və zəngin təchizatı qeyd olunub. Ekspertlər xüsusi olaraq modelin lüks interyerini də xatırlatdılar. Bundan əlavə, universal kuzov çox geniş yük baqaj təklif edir.

Nəşrdə xatırladılır ki, "Audi A6 C6/4F" bir neçə müxtəlif mühərrik seçimi ilə təklif olunurdu. Mütəxəssislər bildirirlər ki, 3.2 litrlik V6 benzin mühərriki kifayət qədər aşağı yanacaq sərfi təklif edir və lazımi qulluq şəraitində uzun illər xidmət göstərə bilər.

Lakin nəşrdə ən yaxşı seçim olaraq, tam ötürücü Quattro sistemi ilə işləyən 3.0 litrlik V6 benzin mühərriki göstərilib. Mütəxəssislərin sözlərinə görə, bu, markanın ən etibarlı mühərriklərindən biridir.

Nəşrdə həmçinin diqqət yetirilir ki, "Audi A6 C6/4F" kifayət qədər etibarlı avtomobil olsa da, onun qulluq xərcləri ən ucuz deyil. Bəzi ehtiyat hissələrinin qiyməti rəqiblərinə nisbətən daha yüksək ola bilər.

Samir