Krossoverlər minik avtomobillərinin ən məşhur növlərindən biri olaraq qalır. Sürücülər bu modelləri geninteryeri və yüksək praktiklik səviyyəsinə görə qiymətləndirirlər.

HİT.az xəbər verir ki, "SlashGear" sahibləri tərəfindən ən çox məmnunluq yaradan 5 krossover və off-road avtomobilini açıqlanıb. Bu reytinq "Consumer Reports"un araşdırması əsasında qurulub.

Sahibləri ən çox məmnun qaldığı 5 krossover və off-road avtomobili:

Bu kompakt off-road avtomobili sərt yolsuz ərazilərlə məharətlə məşğul ola bilir və çıxarılan qapılar və dam kimi unikal funksiyalar təklif edir. Məhz buna görə model liderlərin beşliyinə daxil olub, nəşrdə vurğulanıb.

Sahiblərin sözlərinə görə, "Ford Bronco" praktik interyeri sayəsində həm də gündəlik istifadə üçün olan avtomobil kimi əla çıxış edir. Bundan əlavə, alıcıların modeli öz ehtiyaclarına uyğunlaşdıra bilmələri üçün çox sayda komplektasiya təklif olunur.

"Subaru Outback" - Nəşrdə bildirilib ki, "Subaru Outback"in bir çox sahibi bu modelin təklif etdiyi komfort səviyyəsindən məmnundur. Üstəlik, tam ötürücü sistemi bu modelin off-road imkanlarını genişləndirir.

"Subaru Outback"in demək olar ki, bütün komplektasiyalarının 227 mm yol boşluğu var. Hətta bu kifayət etmədikdə belə, 237 mm yol boşluğu ilə fəxr edə bilən "Wilderness" off-road versiyası mövcuddur.

"Toyota Highlander Hybrid" - Bu model Yaponiya brendinin ən məşhur krossoverlərindən biridir. Modelin hibrid versiyası onun bütün üstünlüklərinə aşağı yanacaq sərfiyyatı əlavə edir.

Bir çox sahibin sözlərinə görə, "Toyota Highlander Hybrid" kifayət qədər rahat və etibarlı krossoverdir. Nəşrdə bildirilib ki, bu model uzaq səfərlər üçün idealdır.

"Lincoln Nautilus Hybrid" - Bu model onun sahiblərini çox məmnun edən başqa bir hibrid krossoverdir. Bu, kifayət qədər lüks interyeri və həcmli baqajı olan praktik bir avtomobildir.

Nəşrdə əlavə ediblər ki, "Lincoln Nautilus Hybrid" zəngin avadanlıq və "BlueCruise" kimi yarımmüstəqil sürüş sistemi kimi qabaqcıl texnologiyalar təklif edir.

"Acura MDX" - Model premium krossoverlərin nümayəndəsidir və stil dizaynı ilə seçilir. Nəşrdə bildirilib ki, bu, öz sahiblərinin məmnunluq səviyyəsinə görə öz seqmentində ən yaxşı modellərdən biridir.

"Acura MDX"in bir çox sahibi bildirib ki, bu, bir çox vəzifənin öhdəsindən gələ bilən universal modeldir. Üstəlik, idman versiyası "Type S" də daxil olmaqla, çoxsaylı müxtəlif modifikasiyaların geniş seçimini təklif edir.

Samir