Sürücülər arasında alman istehsalçılarının ən texnoloji cəhətdən inkişaf etmiş avtomobillərdən bəzilərini istehsal etdiyinə dair geniş yayılmış bir inanc var. Almaniya həmçinin bir çox etibarlı avtomobillər də istehsal edir.

HİT.az xəbər verir ki, "Jalopnik" portalı "Consumer Reports" reytinqinə əsasən, ən etibarlı avtomobil istehsal edən üç Alman brendini açıqlayıb. Bu istehsalçıların modelləri nadir hallarda ciddi nasazlıqlarla qarşılaşır.

Ən etibarlı 3 Alman avtomobil markası:

BMW - Alman markaları arasında avtomobillərinin etibarlılığına görə lider BMW kimi tanınıb. Yeni avtomobillərin etibarlılığı baxımından istehsalçı 8-ci yeri tutub, həmçinin köhnə avtomobillərin etibarlılığında 12-ci yerdə qərarlaşıb.

Qeyd olunur ki, BMW avtomobillərinin orta xidmət xərcləri bəzi rəqiblərinə nisbətən daha yüksək olub. Ekspertlər qeyd ediblər ki, buna ilk növbədə köhnə avtomobil almaq istəyənlər diqqət yetirməlidir.

Porsche - Bu marka Alman istehsalçıları arasında ikinci yerdə qərarlaşıb. Bu marka güclü idman avtomobilləri ilə məşhurdur, amma son bir neçə onillikdə model müxtəlifliyi əhəmiyyətli dərəcədə artıb.

Bütün istehsalçılar arasında ümumi etibarlılıq reytinqində Porsche dördüncü yeri tutub. Markanın ən məşhur avtomobillərindən biri kompakt krossover "Macan" olaraq qalır.

Audi - Bu avtomobillər premium və texnoloji modellər axtaran sürücülər arasında populyar seçim olmaqda davam edir. Ekspertlər qeyd ediblər ki, Q5 krossoveri markanın ən məşhur modellərindən biri olaraq qalır.

Bütün istehsalçılar arasında ümumi etibarlılıq reytinqində Audi altıncı yeri tutub. Lakin "Audi", "Consumer Reports" məlumatına görə 14-cü yerdə qərarlaşan köhnə avtomobillərin etibarlılığı baxımından özünü o qədər də yaxşı göstərməyib.

Samir