Krossoverlər dünyanın bir çox ölkəsində minik avtomobillərinin ən populyar növlərindən biri olaraq qalır. Bununla belə, hetçbek, universal və sedan kuzovlu ailə avtomobilləri də hələ də böyük tələbat görür.
HİT.az xəbər verir ki, “WhatCar?” nəşrinin ekspertləri Böyük Britaniyada ikinci əl bazarında 10 min funt-sterlinqdən (təxminən 13 420 ABŞ dolları) ucuz qiymətə almaq mümkün olan 10 ən yaxşı ailə avtomobilini müəyyən ediblər. Mütəxəssislərin sözlərinə görə, bu modellər yüksək praktikliyi ilə yanaşı, rəqiblərinə nisbətən bir sıra üstünlüklərə malikdir.
10 ən yaxşı ucuz ailə avtomobili (işlənmiş):
1. Skoda Octavia
2. Seat Leon
3. Audi A3
4. Skoda Scala
5. Volkswagen Golf
6. Ford Focus
7. BMW 1 seriyası
8. Honda Civic
9. Hyundai i30
10. Kia Ceed
Ekspertlər işlənmiş avtomobillər arasında ən yaxşı ucuz ailə modeli kimi “Skoda Octavia”nı seçiblər. Nəşrdə qeyd olunur ki, bu model eyni platforma üzərində qurulan “Volkswagen Golf” və “Audi A3”dən daha ucuzdur, eyni zamanda “Seat Leon”dan daha geniş salona malikdir.
“WhatCar?” “Skoda Octavia”nın əsas üstünlükləri kimi çox praktik interyeri və tutumlu baqaj bölməsini göstərib. Bundan başqa, model zəngin təchizatı və aşağı texniki xidmət xərclərinə görə də yüksək qiymətləndirilib.
Eyni zamanda nəşr bu seqmentdə ən uğursuz işlənmiş avtomobil kimi “Lexus CT”ni almağı tövsiyə etmir. Ekspertlər etiraf ediblər ki, bu avtomobilin hibrid qurğusu yanacağa qənaət edir, lakin “Lexus CT” zəif idarəolunma və aşağı komfort səviyyəsi ilə seçilir.
Samir
