Mütəxəssislər son bir ilin məlumatlarını təhlil edərək, yeni minik avtomobilləri bazarında dünyanın ən populyar kompakt avtomobilinin "Toyota Corolla" olaraq qaldığı qənaətinə gəliblər.
HİT.az xəbər verir ki, bu barədə "Focus2Move" portalında dərc edilib.
Satışların illik 9,2% azalmasına baxmayaraq, "Corolla"nın bazar payı inandırıcı 11,5% təşkil edib. "Toyota Corolla"nın ilk nəsli 1966-cı ildə istehsal olunmağa başlandı və onilliklər ərzində həqiqətən populyar bir avtomobilə çevrilib. "Corolla" etibarlılığı, davamlılığı, aşağı texniki xidmət xərcləri və yüksək yanacaq səmərəliliyi ilə qiymətləndirilir.
İkinci yerdə bazarda hər kəsə tanış olmayan yeni bir məhsul - ümumi həcmin 5,3%-ni təşkil edən Çin istehsalı "Geely Xingyuan" dayanır.
Avtomobil tez-tez alıcılar tərəfindən seçilir, çünki aşağı qiymət və müasir dizaynı özündə birləşdirən ən yaxşı büdcəli şəhər elektrik avtomobillərindən biri hesab olunur. Üçüncü yeri 4,5% bazar payı təmin edən "Honda Civic" tutub.
Ümumiyyətlə, ən populyar on kompakt avtomobil belə görünür:
1. Toyota Corolla.
2. Geely Xingyuan.
3. Honda Civic.
4. Hyundai Elantra.
5. Volkswagen Golf.
6. Volkswagen Sagitar.
7. Audi A3.
8. Nissan Sentra.
9. Xpeng MONA M03.
10. ChangAn Eado.
Samir
