İsrail zərgərləri ağ qızıldan istifadə olunmaqla qara və ağ brilyant ilə bəzədilmiş dünyanın ən bahalı tibbi maskasını hazırlayır. Maskanın qiyməti təxminən 1,5 milyon dollar olacaq.

Azvision.az xəbər verir ki, bu barədə "Haaretz" nəşri məlumat yayıb.
"18 karatlıq ağ qızıldan hazırlanan maska u200bu200b3600 ədəd ağ və qara brilyant ilə bəzədiləcək, müştərinin istəyi ilə ən yüksək keyfiyyətli N99 filtrlə təchiz ediləcək",- deyə dizayner və zərgərlik firmasının sahibi İsaak Levi bildirib.

Belə bir maskanın sifarişi ABŞ-da yaşayan çinli iş adamından gəlib. Zərgər u200bu200bilin sonunadək işi təhvil verməlidir. Maskanın 270 qram ağırlığında olacağı təxmin edilir ki, bu da adi tibbi maska u200bu200bilə müqayisədə 100 dəfə çoxdur.

"Belə maska u200bu200byüzlərlə, milyonlarla insanın qazancını itirdiyi iqtisadi böhran dövründə problem ola bilər. Amma sifariş şirkətə çətin dövrdə yaşamağa imkan verdi. Bu maska u200bu200bbizə kifayət qədər imkan verdi ki, işçilərimiz çətin günlərdə işlərini davam etdirsinlər",- deyə zərgər qeyd edib.