"Lamborghini" ilə qarpız satan sürücü cərimələnib.

Milli.Az bildirir ki, "Lamborghini"nin baqajında qarpız satan sürücü cərimələnib, avtomobil isə cərimə meydançasına aparılıb.

İstanbulun Beyoğlu səmtində "Lamborghini"nin baqajında 5 lirəyə qarpız satan sürücü 1228 lirə cərimələnib, avtomobil isə cərimə meydançasına göndərilib.

O, avtomobili təyinatından başqa məqsədlə istifadə etdiyinə görə cəzalandırılıb.

Lüks avtomobildə qarpız satan şəxsin İran vətəndaşı olduğu aşkarlanıb.