Böyük Britaniya hökuməti, Bill və Melinda Geyts Fondu İngiltərənin "Wellcome Trust" xeyriyyə təşkilatı ilə birgə yeni pandemiyaların qarşısını almaq üçün beynəlxalq fəaliyyət planı hazırlayıb.
Avropa.info xəbər verir ki, bu barədə cümə axşamı İngiltərə baş naziri Boris Consonun ofisi məlumat yayıb.
Plan zoonozların - zaman keçdikcə insanlar üçün təhlükəli ola bilən heyvanlarda baş verən yoluxucu xəstəliklərin tədqiqat mərkəzləri şəbəkəsinin yaradılmasını nəzərdə tutur. Mərkəzlərin vəzifəsi, mutasiya meydana gəlməzdən əvvəl potensial təhlükəli mikroorqanizmləri müəyyənləşdirmək və öyrənmək olacaq.
Bundan əlavə, dərman və peyvənd istehsalı üçün imkanların genişləndirilməsi, səhiyyə sektorundakı böhran halları üçün erkən xəbərdarlıq sisteminin yaradılması, bu sahədə beynəlxalq əməkdaşlığın və məlumat mübadiləsinin əhəmiyyətli dərəcədə genişləndirilməsi təklif olunur.
Plan İngiltərənin hazırda koronovirus pandemiyasının öhdəsindən gəlməyi çətinləşdirən ticarət maneələrinin sayının azalmasını da təmin edir. Planın müəllifləri bir çox sahəni əhatə edəcək beynəlxalq böhran protokollarının hazırlanmasını təklif edirlər ki, bu da dünyanın hər tərəfindəki hökumətlərə problemlərin həllinə ümumi yanaşmanın bir hissəsi olaraq əvvəldən koordinasiya olunmuş siyasət həyata keçirməyə imkan verir.
Bundan əlavə, İngiltərə yoxsul ölkələrin koronovirus peyvəndi əldə etməsinə kömək məqsədi daşıyan "Covax" peyvəndi satınalma fonduna 500 milyon funt sterlinq bağışlamağı planlaşdırır.
