Nəfəs aldığımız hava koronavirusa yoluxma şansına təsir edir.

“Sputnik”in məlumatına görə, bu barədə rusiyalı allerqoloq-immunoloq Vladimir Bolibok xəbər verib.

O bildirib ki, COVID-19-a yoluxanlar ən çox ağciyər problemindən təsirlənirlər. Koronavirus tənəffüs sistemini zədələyir, buna görə havanın keyfiyyəti infeksiya riskini və xəstəliyin şiddətini təsir edir.

Həkim havanın oksigenlə doyması halında bütün tənəffüs yolları xəstəliklərinin gedişini asanlaşdırdığını vurğulayıb.

“Havanın tərkibində oksigen nə qədər çox olarsa, insanın koronavirus infeksiyası da daxil olmaqla tənəffüs yollarının xəstəliklərinə dözməsi o qədər asan olacaq”, - deyə Vladimir Bolibok əlavə edib.

Allerqoloqun sözlərinə görə, çirkli hava əksinə, koronovirus da daxil olmaqla bütün viral infeksiyalara həssaslığı artırır.

“Buna görə daim təmiz hava axını təmin olunmalıdır. Yataq otaqlarına xüsusi diqqət yetirilməlidir - yaxşı havalandırılmalı, tozdan təmizlənməlidir, çünki günün əhəmiyyətli bir hissəsini orada keçiririk”, - deyə o vurğulayıb.