ABŞ-ın keçmiş Prezidenti Donald Tramp çağırışa cavab vermədiyi üçün ifadə verməyə gəlmədiyi hər gün 10 min dollar cərimə ödəməli olacaq.

HİT.az-ın xarici KİV-ə istinadən xəbərinə görə, Manhetten Ali Məhkəməsinin hakimi Artur Enqoron bu barədə qərar çıxarıb.

O, Nyu-Yorkun baş prokuroru Letitiya Ceyms tərəfindən tələb olunan sənədləri təhvil vermədiyi üçün Trampın hərəkətini “itaətsizlik” hesab edib və məhkəməyə cavab vermədiyi hər gün üçün 10 min dollar cərimə ödəməli olduğu barədə qərar verib.