Çavuşoğlundan 9 səfirlik və konsulluğun bağlanması ilə bağlı açıqlama

DÜNYA
17:15 / 03.02.2023
638

Türkiyənin xarici işlər naziri Mövlud Çavuşoğlu Türkiyədə 9 səfirlik və konsulluğun bağlanması ilə bağlı açıqlama verib.

HİT.az xəbər verir ki, XİN başçısı bunun məqsədli şəkildə olduğunu deyib.

“Biz əslində bunun məqsədli olduğunu düşünürük. Biz səfirləri çağırıb tam olaraq bunu dedik", deyə Çavuşoğlu, bildirib.

Bu ölkələrin təhlükədən danışdıqlarını ifadə edən Çavuşoğlu “Əgər müttəfiqiksə, bu təhlükənin kimdən gəldiyini bizə deməli deyillərmi? Bu ölkələrdən bu istiqamətdə heç bir məlumat paylaşımı edilməyib", deyə nazir qeud edib.

Çavuşoğlu sözlərini belə davam edib: “Əgər seçki öncəsi bizi çətin vəziyyətə salmağa çalışırlarsa xalqımız bunun arxasında nə olduğunu bilir. Bir az dürüstlük gözləyirik. Bu ölkələrdən terror təşkilatlarının məkrli gündəminə etibar etməmələrini istəyirik".

Qeyd edək ki, Türkiyədə konsulluqlarını bağlayan ölkələrin də daxil olduğu 9 ölkənin səfirləri dünən Türkiyənin Xarici İşlər nazirliyinə çağırılıb.

0