"Baykar" şirkətinin texniki direktoru Səlçuk Bayraktar yeni layihəsi barədə danışıb.

HİT.az xəbər verir ki, o, "Bayraktar TB3"-ün xüsusiyyətləri ilə bağlı açıqlama verib.

Bayraktar qeyd edib ki, yeni istehsal olunacaq PUA dünyada bir ilki reallaşdıracaq:
"İlk sınaq uçuşunu bu il həyata keçirəcəyik. "Bayraktar TB3" dünyada qısa uçuş-enmə zolağı olan gəmilərdə enib-qalxa bilən ilk PUA olacaq. Bu, gələcək döyüşlərdə aviasiya sahəsində inqilab olacaq".

O, maraqlı bir faktı da diqqətə çatdırıb:

"Biz bu konseptual dizaynı elan etdikdən bir il sonra ABŞ-dan açıqlama gəldi. Onlar, bunu ilk edənlərin özləri olacağını dedilər. Bunun ardınca isə İsrailin əsas şirkətlərindən biri sözügedən layihəni ilk həyata keçirən olacaqlarını söylədilər. Amma indiyə qədər edə bilən yoxdur. "Kızılelma" və "Bayraktar TB3" gəmilərə enib-qalxmağa başlayanda müharibə tarixində inqilab olacaq. Bunu da tarixə qeyd etmək istəyirəm".

Pərviz