Türkiyədə 14 mayda keçiriləcək seçkilər gündəmin əsas mövzusudur.

HİT.az xəbər verir ki, seçkiqabağı Məmləkət Partiyasının sədri Məhərrəm İncənin namizdəlikdən çəkilə biləcəyi iddia olunur.

Onun anidən xəstələnməsi və həkim məsləhəti ilə mitinqlərini ləğv etməsi gündəm olub. Bunun ardınca isə İncənin namizədlikdən çəkilə biləcəyi ehtimalları səsləndirilməyə başlayıb. Cümhuriyyət Xalq Partiyasının (CHP) sədri Kamal Kılıçdaroğlunun Məhərrəm İncəyə zəng edərək şəfa dilədiyi və onu birlikdə hərəkət etməyə çağırdığı da açıqlanıb.

Bütün bunların fonunda isə sürpriz bir gəlişmə yaşanıb. Belə ki, məşhur jurnalist İsmayıl Saymaz diqqətçəkən fikirlər səsləndirib. O, "Sözcü" telekanalının canlı yayımında Məhərrəm İncənin namizədlikdən çəkilə biləcəyini söyləyib:

"Son vaxtlarda Məhərrəm İncənin ətrafındakı şəxslərdən belə ehtimallar eşitmişəm. Onun seçkidən öncə namizədlikdən çəkiləcəyi və hətta Kamal Kılıçdaroğluna dəstək verəcəyi deyilir. Amma bunlar dəqiq məlumatlar deyil. Hələ ki, iddia olaraq danışılan sözlərdir".

Pərviz