2022-ci ilin yayında Avropa İttifaqı istisna olaraq Polşa və Almaniyaya "Drujba" neft kəmərinin şimal hissəsindən Rusiyadan neft almağa icazə verib. 

HİT.az-ın məlumatına görə, "Bloomberg" Aİ sənədlərinə istinadən xəbər verir ki, bununla belə, hər iki ölkə o vaxtdan boru kəməri ilə xam neft almağı dayandırıb və blok indi tədarükü rəsmi şəkildə kəsməyə hazırlaşır.

Eyni zamanda, neft kəmərinin cənub qolu ilə Macarıstan, Slovakiya və Çexiyaya tədarük üçün icazənin qüvvədə qalacağı gözlənilir. Müvafiq təklif Rusiyanın Ukraynaya genişmiqyaslı müdaxiləsinə cavab olaraq Aİ-nin tətbiq etdiyi 11-ci sanksiyalar paketinin bir hissəsi ola bilər. Dəyişikliklərin qüvvəyə minməsi üçün Aİ-yə üzv olan bütün dövlətlərin dəstəyi lazımdır və hazırda danışıqlar davam edir.

"Bloomberg" qeyd edir ki, Almaniya və Polşaya tədarükün dayandırılmasının rəsmiləşdirilməsi "əsasən simvolik" addım olacaq. Eyni zamanda, bu bir neçə neft emalı zavodunu alternativ neft növlərinə çıxış əldə etmək üçün daha mürəkkəb logistikaya müraciət etməyə məcbur edəcək.

"Drujba" neft kəməri Ukrayna-Rusiya sərhədindən 150 kilometr məsafədə keçir, burada iki qola bölünür (şimal hissəsi Belarusdan Almaniya və Polşa istiqamətində, cənubu Ukrayna ərazisindən Çexiyaya, Slovakiya və Macarıstana keçir), neft kəməri Belarus və Avropa ölkələrindəki neft emalı zavodlarını təmin edir.

Samir