ABŞ Konqresinin dekabrda təsdiq etdiyi Ukraynaya hərbi yardım paketində cəmi 6 milyard dollara yaxın vəsait qalıb. Silah və sursatların maliyyələşdirilməsi üçün vəsait yayın ortalarına qədər bitə bilər və əlavə maliyyələşdirmə ilə bağlı çoxlu qeyri-müəyyənlik var.

HİT.az xəbər verir ki, bu barədə "Politico" yazır.

Dekabrda təsdiqlənmiş ilkin paketə Pentaqona geniş hərbi yardım - artilleriya mərmiləri, tanklar, zirehli texnikalar, qabaqcıl hava hücumundan müdafiə sistemləri təqdim etmək üçün verilən təxminən 36 milyard dollar daxildir.

Artıq elan edilmiş yardıma əsaslanan konqresmenlərdən birinin köməkçisinin sözlərinə görə, silahla təminat üçün vəsait iyulda bitə bilər. O zaman hərbi yardım axını pozula və Kiyev yeni maliyyə tranşı üçün uzun müddət gözləməli ola bilər.

Bir çox amerikalı deputatlar hərbi yardım üçün ayrılan vəsaitin nə vaxt tükənəcəyi və əlavə olaraq nə qədər vəsaitin ayrıla biləcəyi ilə bağlı təxminlər verə bilməyiblər. Demokratlardan olan senator Ben Cardin deyib ki, administrasiya ona yardım fondlarının mütləq yaxın bir neçə ay üçün kifayət edəcəyini və o zaman təcili əlavə maliyyələşdirmə qanun layihəsinin gözlənilə biləcəyini deyib. Xarici əlaqələr üzrə Nümayəndələr Palatasının sədri Maykl Makkol bunun təxminən sentyabr ayı ola biləcəyini deyib.

Pentaqon rəsmisi Qarron Qarn açıqlamasında bildirib ki, hazırda qurum "vəziyyətin inkişafını" və "yazda yeni hücumlar zamanı döyüş meydanındakı uğurları" nəzərə alaraq, qalan vəsaitin ən yaxşı şəkildə necə xərclənməsini qiymətləndirir və variantları nəzərdən keçirir. 

Bu arada, Ağ Ev yeni hərbi yardım paketini müzakirə edir, lakin əks-hücum zamanı və ondan sonra Ukraynanın ehtiyaclarının nə olacağı hələ bəlli deyil. Bunu Bayden administrasiyasının adının açıqlanmasını istəməyən rəsmisi deyib.

“Politico” qeyd edir ki, administrasiya “uzunmüddətli perspektivdə” Ukraynaya dəstəyi saxlamaqda “tam sadiq” olsa da, Ağ Evin əlavə maliyyələşdirmə ilə bağlı hər hansı təklifi bəzi respublikaçıların şiddətli müzakirəsinə və müqavimətinə səbəb ola bilər. Respublikaçı senator Lisa Murkovski partiyasında Ukraynanın əlavə resurslarla təmin olunmasına şübhə ilə yanaşanlara istinad edərək deyib ki, “insanların gələcəkdə dediklərini gələcəkdə deyəcəklərini söyləmək çətindir”, çünki “burada bir çox qeyri-müəyyənliklər."

Samir