Kiyev sentyabra qədər bütün dünyaya mühüm hərbi uğurlar nümayiş etdirməli və Qərbdən alınan silahların boş yerə getmədiyini sübut etməlidir. 

HİT.az xəbər verir ki, bu barədə adının açıqlanmasını istəməyən bir sıra Avropa rəsmiləri "Financial Times"a bildiriblər.

Onların fikrincə, Qərbin Ukraynaya hərbi yardımı çox güman ki, pik həddinə yaxınlaşır və ABŞ-dakı daxili siyasi vəziyyətə görə tezliklə azalmağa başlayacaq. Ona görə də Kiyevin Rusiya üzərində qəti qələbə qazanmağa vaxtı çox azdır.

“Ukraynanın müttəfiqləri onun Rusiyaya qarşı mübarizəsinə hərbi dəstəyin pik həddə çatmasından qorxur və yüksək rütbəli avropalı məmurlar gələn il ABŞ-ın mübahisəli prezident seçkiləri kampaniyasına girməsi ilə əlaqədar yardım axınının mümkün azaldılmasından getdikcə daha çox narahat olurlar”, deyə məqalədə qeyd edilir.

Nəşr qeyd edir ki, ABŞ Ukraynaya əsas silah tədarükçüsü olub. Amerika rəsmilərinin fikrincə, Ukraynaya artıq təsdiqlənmiş yardım məbləği gözlənilən böyük əks-hücum daxil olmaqla, müharibənin daha beş ayı üçün kifayət edəcək.

Bununla belə, keçən il təsdiqlənmiş Amerikanın Ukraynaya 48 milyard dollarlıq yardım paketi artıq tükənmək üzrədir. Avropalı müttəfiqlər Vaşinqtonun yenidən bu məbləğdə maliyyə ayıra biləcəyinə şübhə edirlər, çünki bunun üçün Ukraynaya yardımın məqsədəuyğunluğu ilə bağlı müzakirələrin gücləndiyi Konqresdə səsvermə tələb olunur.

“Biz həmişəlik eyni səviyyədə yardımı saxlaya bilmərik”, - deyən yüksək rütbəli məmur əlavə edib ki, Ukraynaya indiki dəstək səviyyəsini bir və ya iki ilə saxlamaq olar, lakin daha çox deyil.

ABŞ prezidenti Co Bayden lazım olduğu müddətdə Ukraynanı dəstəkləməyə hazır olduğunu açıq şəkildə nümayiş etdirir. Bununla belə, ABŞ seçkiqabağı prezidentlik yarışı rejiminə daxil olur, burada artıq Ukraynaya silahla kömək etmək istəmədiyini bildirən Donald Tramp indiki dövlət başçısına rəqib olur.

"Donald Trampın dediklərinin Konqresdə bu məsələnin nə qədər mürəkkəbləşməsi ilə çox əlaqəsi var. Onun Ukraynanı maliyyələşdirməklə bağlı mövqeyi, əgər yardıma yenidən icazə verməmiz lazım gələrsə, nə baş verəcəyindən çox şey asılı olacaq", deyə ABŞ-ın demokrat senatoru Kris Mörfi bildirib.

Ukrayna ilə bağlı ABŞ-la müntəzəm əlaqə saxlayan bəzi müttəfiqlər deyirlər ki, Vaşinqton qarşıdakı beş ayı münaqişənin nəticəsi üçün həlledici və Kiyevin yerdə vəziyyəti dəyişməsi üçün son real şans kimi görür.

“Amerikanın bu müharibəni uğur kimi təqdim etməsi, o cümlədən daxili məqsədlər üçün, bütün bu yardım paketlərinin Ukraynanın nailiyyətləri baxımından uğurlu olduğunu sübut etmək vacibdir”, deyə adının açıqlanmasını istəməyən Avropa rəsmisi nəşrə bildirib.

Bütün müharibə üçün dönüş nöqtəsi BMT Baş Assambleyasının növbəti sessiyasının və G20 liderlərinin sammitinin keçiriləcəyi sentyabr ayı ola bilər. Onlar dünya ictimaiyyətinin Kiyevə və onun tərəfdaşlarına Moskva ilə danışıqlar masası arxasına oturmağa məcbur etmək üçün onlara təzyiqləri artırmaqda bəhanəyə çevriləcək.

"Sentyabr ayına qədər Ukrayna əhəmiyyətli irəliləyiş əldə etməsə, Kiyevi danışıqlara məcbur etmək üçün Qərbə beynəlxalq təzyiq çox böyük olacaq. Əgər əks-hücum uğurlu olsa, eyni şey Rusiyaya da aid olacaq", deyə adının açıqlanmasını istəməyən məmurlardan biri bildirib.

Lakin Qərb rəsmiləri hələ də ümid edirlər ki, Ukraynanın NATO standartlarına uyğun silahların misli görünməmiş tədarükü ilə gücləndirilmiş əks hücumu Putini hansısa formada sülh şərtləri ilə razılaşmağa məcbur edəcək böyük uğurlar gətirəcək.

Samir