Çin lideri Si Szinpin bildirib ki, Çin Mərkəzi Asiyanı xarici müdaxiləyə və "rəngli inqilablar"ı təhrik etmək cəhdlərinə qarşı durmağa çağırıb.

HİT.az xəbər verir ki, Çin lideri bölgədəki təhlükəsizlik problemlərini həll etməyə çalışmağa çağırış edib.

"Qlobal Təhlükəsizlik Təşəbbüsü əsasında hərəkət etməyimiz və region ölkələrinin daxili işlərinə qarışmaq və ya rəngli inqilabları qızışdırmaq üçün xarici cəhdlərə qarşı qətiyyətlə dayanmağımız vacibdir. Biz terrorizm, separatizm və ekstremizm kimi üç qüvvəyə sıfır dözümlü olmalıyıq. Bölgədəki təhlükəsizlik problemlərini həll etməyə çalışın”, deyə Si Szinpin bildirib.

Çin lideri birlikdə işləməyi təklif edib: "Çin Mərkəzi Asiya ölkələrinə hüquq-mühafizə, təhlükəsizlik və müdafiə sahəsində potensialın gücləndirilməsinə kömək etməyə hazırdır".

Çinin şimal-qərbindəki Şaansi əyalətindəki Sian şəhərində Çin, Qazaxıstan, Qırğızıstan, Tacikistan, Türkmənistan və Özbəkistan liderlərinin iştirakı ilə Çin-Mərkəzi Asiya sammiti keçirilir.

Samir