Önümüzdəki illərdə və onilliklərdə Avropa İttifaqının müdafiəni gücləndirmək üçün investisiyalara ciddi ehtiyacı olacaq. 

HİT.az xəbər verir ki, bu barədə Avropa Komissiyasının vitse-prezidenti Valdis Dombrovskis Brüsseldə keçirdiyi mətbuat konfransında bildirib.

"Həqiqətən, onilliklər olmasa da, qarşıdakı illərdə yaşıl və rəqəmsal transformasiya da daxil olmaqla, böyük investisiya ehtiyacları, həmçinin müdafiə xərclərimizi, müdafiə sənayesinə investisiyaları artırmaq ehtiyacı ilə üzləşəcəyik. Bu ehtiyacları necə qarşılayacağımıza qərar verməliyik", deyə o bildirib.

Avropa komissarı qeyd edib ki, yaxın aylarda Aİ hərbi sahəyə investisiyalar məsələsini müzakirə edəcək.

Daha əvvəl Avropa diplomatiyasının rəhbəri Cozef Borrell bildirmişdi ki, Aİ ölkələri müdafiəni gücləndirmək üçün qarşıdakı üç il ərzində təxminən 70 milyard avro xərcləməyi planlaşdırır.

Samir