Bir müddət əvvəl ana şirkəti, Rusiyanın eyniadlı aviadaşıyıcısı ilə əlaqəli olmamaq üçün adını "Skyline Express" olaraq dəyişdirən "Azur Air Ukraine" bir illik fasilədən sonra uçuşları bərpa edib.
HİT.az avianews.com-a istinadən xəbər verir mki, yeni adla aviadaşıyıcı bu yaxınlarda qəbul edilmiş UR-SLE qeydiyyatlı "Boeing 757-300" təyyarələri ilə Avropada kurort istiqamətlərinə uçuşlar həyata keçirməyə başlayıb.
Xüsusilə, 26 may 2023-cü ildə "Flightradar24" bu təyyarənin Katoşise, Varşava və Bolqarıstanın dənizkənarı kurort Burqas arasında uçuşlarını qeydə alıb.
"Skyline Express" Rusiyanın Ukraynaya hücumundan sonra sərnişin reyslərini bərpa edən dördüncü Ukrayna aviaşirkəti olub. Digər aviaşirkətlər və turoperatorlar tərəfindən sifariş edilən sərnişinlərlə uçuşlar indi "SkyUp" və "Windrose" tərəfindən həyata keçirilir. 2022-ci ilin payızına qədər UIA belə uçuşları həyata keçirirdi, lakin sonradan aviadaşıyıcı fəaliyyətini dayandırıb.
Hüquqi şəxslərin dövlət reyestrinə əsasən, "Azur Air Ukraine" aviaşirkəti 2023-cü ilin martında adını "Skyline Express" olaraq dəyişib. Nəşr yazır ki, "Azur Air Ukraine"nin adının dəyişdirilməsi sahiblərinin Ukrayna aviaşirkətinin işini davam etdirmək, lakin onu Rusiya ilə əlaqələndirməmək istəyi ilə bağlı ola bilər.
Qeyd olunur ki, “Azur Air” aviaşirkəti Rusiya və Ukrayna bazarlarında fəal işləyən “Anex Tour” turoperatoru ilə bağlıdır. Eyni zamanda "Azur Air Ukraine" ilkin olaraq “Utair-Ukrayna” adlanırdı və Rusiyanın “Utair” aviaşirkətinin törəməsi kimi fəaliyyət göstərirdi. 2015-ci ildə aviaşirkət "Anex Tour" strukturları tərəfindən satın alınıb və o, "Azur Air Ukraine" adlandırılıb.
Hazırda ABŞ hakimiyyətinin sanksiya siyahısına saldığı "Azur Air" Türkiyəyə uçuşlar edərək Rusiyada fəaliyyətini davam etdirir.
Samir
