ABŞ prokurorluğu keçmiş prezident Donald Trampın vəzifədən getdikdən sonra məxfi sənədləri saxladığına dair səs yazısının ələ keçirildiyini açıqlayıb.

HİT.Az CNN-ə istinadən xəbər verir ki, prokurorlar Trampın vəzifəsindən getməzdən əvvəl İrana qarşı mümkün hücum planı ilə bağlı gizli Pentaqonun sənədini özü ilə apardığını dediyi səs yazısını ələ keçirib.

Qeydlərdə Trampın əlində olan sənədlərdəki məlumatları başqaları ilə bölüşmək istədiyini, lakin vəzifədən getdikdən sonra sənədlərin məxfiliyini çıxarmaq səlahiyyətində məhdudiyyətlərin olduğunu bildirdiyi qeyd edilib.

Bundan əlavə, qeydlərdə Trampın 2021-ci ilin iyul ayında Bedminster Qolf Klubunda etdiyi çıxışlarda vəzifəsindən ayrıldıqdan sonra Ağ Evdən bəzi sənədləri Floridadakı Mar-a-Laqo malikanəsinə apardığına dair iddiaları təsdiqləyən ifadələr var.

Hesabatda qeyd edilir ki, Trampın qeyd olunan sənədlərin məxfiliyini çıxarmaq səlahiyyətinin olmadığını bildiyini etiraf etməsi, vəzifədən getdikdən sonra keçmiş prezidentin məxfi sənədləri saxlamaq səlahiyyətinin məhdud olduğunu bildiyini sübut etmək istəyən prokurorlara kömək edə bilər.

Qeydlərin Trampın Mar-a Laqodakı malikanəsində saxladığı məxfi sənədləri araşdıran xüsusi müşavir Cek Smitə təhvil verildiyi bildirilir.

Samir