Ukrayna Silahlı Qüvvələrinin Quru Qoşunlarının komandanı, general-polkovnik Aleksandr Sirski bildirib ki, hücum ehtiyatının əsas qüvvələri hələ döyüşə buraxılmayıb.

Poliqon xəbər verir ki, general-polkovnik hər kəsi səbirli olmağa çağırıb.

"Hər kəs böyük qələbəyə dərhal nail olmaq istəyir. Biz də... Amma biz hazır olmalıyıq ki, bu proses müəyyən vaxt aparacaq, çünki hər bir tərəf çoxlu qüvvələr, çoxlu texnika cəlb edib və çoxlu süni maneələr var", deyə o, "The Guardian"a müsahibəsində bildirib.

"Demək istəyirəm ki, bizim əsas qüvvələrimiz hələ döyüşlərdə iştirak etməyib və biz indi düşmənin müdafiəsində zəif nöqtələr axtarırıq və hiss edirik. Hələ qarşıda çox uzun yol var", deyə komandir əlavə edib.

General-polkovnik bildirib ki, Baxmut yaxınlığındakı Serebryan meşəsində Rusiyanın əsas qüvvələri devirdikdən sonra şiddətli döyüşlər gedir: "Ruslar təşəbbüsü ələ keçirməyə çalışır. Ona görə də vəziyyət həqiqətən çətindir".

Samir