Türkiyənin Burdur əyalətində qızının məzun gecəsində avtomobilini park edən ata ürək tutmasından dünyasını dəyişib.

Milli.Az haberler.com-a istinadən xəbər verir ki, Hüseyn Aksoy Balıkesirdən həyatı yoldaşı ilə birlikdə icarəyə götürdüyü avtomobillə qızının məzun gününə gəlib. Tədbirdə ailə üzvləri ilə birlikdə əylənərək xeyli şəkillər çəkdiriblər. Günün sonunda qızı və həyat yoldaşı ilə birlikdə geri qayıtmaq üçün avtomobili saxladığı yerə gedib. Lakin pilləkənlərdə ürəyi tutaraq yerə yıxılıb. Təcili yardım vasitəsilə xəstəxana çatdırılsa da, onun həyatını xilas etmək mümkün olmayıb. Mərhumun nəşi Balıkəsirə geri göndərilib.