Estoniyanın baş naziri Kaya Kallas bildirib ki, Ukraynaya NATO-ya daxil olmaq şərtlərini təklif etmək hazırda mümkün deyil, çünki bu, müharibənin başa çatması ilə bağlıdır.

HİT.az xəbər verir ki, bu barədə ERR məlumat yayıb.

Kallasın sözlərinə görə, NATO-nun Vilnüs sammitində Ukraynaya verilən vədlərlə bağlı mübahisələr Alyansa üzv dövlətlərin bu məsələyə çox ciddi yanaşdığını göstərir:

"Anlamaq lazımdır ki, bu məsələ ilə bağlı belə qızğın müzakirələr göstərir ki, bizim böyük müttəfiqlərimiz də bu sözləri çox ciddi qəbul edirlər, onlar sadəcə söz deyil, həm də bu sözləri əmələ çevirməli olacaqlar. Və beləliklə, onlar bunu çox ciddi qəbul edirlər.

"Əlbəttə, mən Ukrayna prezidenti Volodimir Zelenskinin məyusluğunu da başa düşürəm, çünki o da sülh içində yaşamaq istəyir, biz sülh şəraitində yaşayırıq, NATO-da yaşayırıq. Amma bu, indi təklif edə biləcəyimiz qədərdir", deyə Kallas əlavə edib. 

Kallasın sözlərinə görə, Ukraynaya NATO-ya daxil olmaq şərtlərini təklif etmək mümkün deyil, çünki bu, müharibənin başa çatması ilə bağlıdır:

"Heç kim birbaşa müharibəyə girmək istəmir, heç kim müharibə davam edərkən 5-ci maddədə (Şimali Atlantika Müqaviləsində kollektiv müdafiə haqqında) təminatları uzatmaq istəmir. Siz bunu kağız üzərində düzəldə bilməzsiniz, çünki o zaman müharibənin necə bitəcəyini, müharibənin nə vaxt bitəcəyini müəyyən etməli olacaqsınız və biz bunu həqiqətən də bilmirik. “Bu müharibəni bitirmək üçün edə biləcəyimiz şey Ukraynanı dəstəkləməkdir ki, o, öz müdafiəsini təşkil edə bilsin.

Samir