Avropa İttifaqı prezident Volodimir Zelenskinin sülh düsturunu dəstəkləyir və Ukraynaya təhlükəsizlik zəmanətlərinin verilməsi üçün beynəlxalq səylərdə iştirak etməyə hazırdır.

HİT.az xəbər verir ki, bunu NATO-nun Vilnüs sammitinin ikinci günü başlamazdan əvvəl Avropa İttifaqı Şurasının prezidenti Şarl Mişel bildirib.

“Ukraynaya bacardığımız qədər dəstək olmaqda bir yerdə qalmaq bizim üçün çox vacibdir. Aİ və NATO arasında əla əməkdaşlıq var. Eyni zamanda, biz NATO ilə tam koordinasiya şəraitində Aİ-ni getdikcə daha çox təhlükəsizlik təminatçısı etmək üçün çalışırıq. Biz Ukrayna üçün təhlükəsizlik təminatı verməyə və bütün bu səylərdə iştirak etməyə hazırıq”, deyə Mişel vurğulayıb.

O, əlavə edib ki, Aİ də ədalətli sülhü dəstəkləyir: “Prezident Zelenski tərəfindən təklif olunan və BMT Nizamnaməsinə və ədalətə əsaslanan ədalətli sülh düsturunu dəstəkləyirik, Ukraynada Rusiya cinayətlərinə görə yer olmamalıdır”.

Samir