Ukrayna Ali Radası (VRU) Gürcüstan prezidenti Salome Zurabişvilini və Avropa İttifaqı ölkələrinin parlamentlərini keçmiş prezident Mixail Saakaşvilini ağır fiziki vəziyyətə görə əfv etməyə çağırıb. 

HİT.az xəbər verir ki, bu barədə deputat Yaroslav Jeleznyak "Telegram" kanalında məlumat verib.

Rada həmçinin Ali Radanın insan hüquqları üzrə komissarı Dmitri Lubinetsin Mixail Saakaşvili ilə görüşməsinə icazə verilməsini istəyib. Bütün deputatlar qərarın lehinə - 285 nəfər səs verib.

Dünən, iyulun 13-də “Vivamed” klinikasının direktoru Zurab Çxaidze polşalı həkimlərin müayinəsinin nəticələrinə görə Mixail Saakaşvilinin müalicəyə buraxılacağını və cəzasını çəkmək üçün yenidən həbsxanaya aparılmayacağını bildirib. Bundan əvvəl Ədliyyə Nazirliyinin departamenti bildirib ki, Saakaşvilinin vəziyyəti yaxşılaşıb, ona görə də cəzasını çəkmək üçün yenidən həbsxanaya köçürülə bilər.

Samir