Hakerlər ABŞ-ın Çindəki səfiri Nikolas Bernsin və ABŞ dövlət katibinin Şərqi Asiya və Sakit okean məsələləri üzrə köməkçisi Daniel Kritenbrinkin elektron poçtlarını sındırıblar.

HİT.az xəbər verir ki, bu barədə “The Wall Street Journal” yazır.

Hackdə iştirak edən hakerlərin Çin rəsmiləri ilə əlaqəli olduğu bildirilir. Nəşr qeyd edir ki, hakerlər Vaşinqtonun ABŞ administrasiyasının yüksək rütbəli rəsmilərinin Çinə planlaşdırdığı silsilə səfərləri və ABŞ-ın Çinə qarşı siyasəti ilə bağlı departamentdaxili müzakirələr barədə məlumat əldə edə bilər.

Kiberhücumlar may ayında başlayıb, lakin ilk dəfə iyunun ortalarında ABŞ Dövlət Katibi Entoni Blinkenin Dövlət Departamentinin kibertəhlükəsizlik üzrə mütəxəssisləri və departamenti texnoloji avadanlıqla təmin edən "Microsoft" üçün Çinə səfəri ərəfəsində aşkar edilib.

Bir neçə gün əvvəl Milli Təhlükəsizlik müşaviri Ceyk Sallivan məlumat vermişdi ki, çinli hakerlər ABŞ administrasiyası üzvlərinin elektron poçt hesablarını sındırmaqla məxfi olmayan məlumatlar əldə edə biliblər.

Samir