Böyük Britaniya rusiyalı jurnalist Anton Krasovskiyə istinadlardan birini sanksiyalar siyahısından çıxarıb. 

HİT.az xəbər verir ki, müvafiq sənəd Britaniya hökumətinin saytında dərc olunub.

Britaniya hakimiyyəti izah edib ki, Krasovski səhvən 14715 və 16020 nömrələri altında iki dəfə siyahıya alınıb. İkinci yazı siyahıdan çıxarılıb, lakin jurnalist sanksiyalar altında qalır, onun aktivləri dondurulur.

Bundan əvvəl məlum olub ki, Ukrayna Təhlükəsizlik Xidməti Krasovskiyə qarşı daha bir cinayət işi açıb. O, jurnalisti soyqırıma açıq çağırışlarla bağlı məqalə ilə ittiham edib.

Samir