ABŞ-ın keçmiş prezidenti Donald Tramp seçki kampaniyasında diqqəti xarici siyasətə yönəltmək niyyətindədir. O, xüsusən də ABŞ-ın Ukraynaya göstərdiyi yardıma görə Avropadan təzminat almaqda israrlıdır.
HİT.az xəbər verir ki, bu barədə "The Hill" yazır.
Nəşr Trampın seçki kampaniyası üçün hazırladığı videoya istinad edir. O, Avropa ölkələrini Vaşinqtonun gördükləri ilə müqayisədə Kiyevə yardımın “kiçik bir hissəsini” verdiyinə görə tənqid edir. Donald Tramp yenidən seçiləcəyi təqdirdə Ukraynaya yardım səbəbiylə 2022-ci ilin fevralından tükənmiş silah ehtiyatlarını bərpa etmək üçün Avropadan “ABŞ-a pul ödəməyi” tələb edəcəyini vəd edir.
Eks-prezident əmin edir ki, vəzifədə olduğu illərdə o, “ABŞ ordusunu tamamilə yenidən qurdu və Amerikanı güclü qlobal mövqeyə qoydu”. "29 aydan sonra arsenallar boşaldı, ehtiyatlar tükəndi, xəzinə boşaldı, sıralar azaldı, ölkəmiz tamamilə alçaldıldı və bizi III Dünya müharibəsinə sürükləyən korrupsioner, güzəştə getmiş prezidentimiz, yaramaz Co Baydenimiz var”, deyə Tramp bildirib.
ABŞ hakimiyyəti Rusiya hərbi əməliyyatı başlayandan bəri Ukraynaya 40 milyard dollardan çox hərbi yardım göndərib. AP-nin məlumatına görə, Vaşinqton Kiyevə daha 400 milyon dollar verməyi planlaşdırır. Yeni yardım paketinə HIMARS və NASAMS sistemləri üçün döyüş sursatları, "Stinger" və "Javelin" raketləri, "Hornet" pilotsuz təyyarələri daxildir. Donald Tramp prezident Co Baydeni Ukraynaya tədarüklərə görə Pentaqonun artilleriya sursatlarının çatışmazlığına səbəb olduğu üçün tənqid edib.
Samir
