Avropa və Şimali Amerikada iyulun isti hava dalğaları istixana qazları emissiyaları səbəbindən iqlim dəyişikliyi olmadan faktiki olaraq qeyri-mümkün olardı.

HİT.az xəbər verir ki, "Sky News" bu barədə ekstremal hadisələrin atributunu, iqlim dəyişikliyinin istilik dalğaları, quraqlıq və tufan kimi ekstremal meteoroloji hadisələrə təsirinin hesablamalarını öyrənən elmi əməkdaşlıq olan World Weather Attribution-ın alimlərinin araşdırmasına istinadən xəbər verir.

Alimlər həmçinin müəyyən ediblər ki, iyul ayında Çində isti hava dalğasının baş vermə ehtimalı istixana qazları emissiyası səbəbindən 50 dəfə çoxdur.

İyulun əvvəlində hər üç bölgənin bir hissəsində (Şimali Amerika, Avropa və Çin) temperatur 45 dərəcəyə çataraq, kütləvi pozuntulara və ciddi sağlamlıq təhlükələrinə səbəb olub.

Araşdırmaya görə, 2023-cü ilin iyulunda müşahidə olunan isti dalğaları indi Şimali Amerikada 15 ildən bir, Avropada 10 ildən bir, Çində isə 5 ildən bir gözlənilə bilər.

Alimlər həmçinin xəbərdarlıq edirlər ki, əgər temperatur 19-cu əsrin ortalarında müşahidə olunan səviyyədən 2 dərəcə Selsi yuxarı qalxarsa, hazırkı istilik dalğaları kimi hadisələr daha tez-tez baş verəcək və hər 2-5 ildən bir baş verəcək.

Qlobal istiləşmə olmasaydı, Avropa və Şimali Amerikada istilik dalğaları demək olar ki, qeyri-mümkün olardı, Çində isə hər 250 ildə bir dəfə istilik dalğaları gözlənilirdi.

Samir