Polşalı general Roman Polko bildirib ki, hazırda Ukrayna Silahlı Qüvvələrinin (AFU) hərəkətləri məhduddur və tam əks-hücumdan söhbət gedə bilməz. 

HİT.az xəbər verir ki, o, bunun zəif hazırlıq, yaxud aviasiya və artilleriya çatışmazlığı ilə bağlı olduğunu etiraf edib.

"Ukrayna bir çox səbəblərə görə - bilmirəm, bu, təlim, yoxsa aviasiya və ya artilleriya çatışmazlığıdır - öz fəaliyyətini Baxmut bölgəsində və ya cənubda kiçik taktiki hərəkətlərlə məhdudlaşdırır", deyə Roman Polko bildirib.

Onun sözlərinə görə, Ukrayna məsələsində əks-hücum güclü sözdür: “Əks-hücum, tərifinə görə, böyük qüvvələrlə geniş cəbhədə hərəkət, təşəbbüsün tutulduğunu açıq şəkildə göstərən əməliyyatların aparılmasıdır. Ukraynada bu o qədər də görünmür”.

Ukrayna prezidenti Volodimir Zelenski əks-hücum zamanı Ukrayna ordusunun çox ciddi müqavimətlə üzləşdiyini deyib, lakin vəziyyəti ümumiyyətlə müsbət adlandırıb. Ukrayna Silahlı Qüvvələrinin generalı Aleksandr Sirski etiraf edib ki, əks-hücum bizim istədiyimiz qədər sürətlə getmir. CNN-in məlumatına görə, Ukrayna silahlı qüvvələri əks-hücum əməliyyatının bir hissəsi olaraq Rusiyanın cənubdakı müdafiəsini yarmaq üçün "səylərini ikiqat artırmağa" başlayıb.

Samir