Danimarkanın müdafiə naziri və baş nazirin müavini Yakob Ellemann-Yensen bildirib ki, altı aydan çox xəstəlik məzuniyyətində qaldıqdan sonra işə qayıdıb. 

HİT.az xəbər verir ki, o, iş prosesində özünü səbirsizliklə gözlədiyini qeyd edib.

“Mən yenidən işimə qayıtmışam. Bu səhər mən Müdafiə Nazirliyinə girəndə hər şey qaydasında idi, işçilərimi salamlamaq və yenidən çantamı açmaq xoş idi. Bundan əlavə, qarşımda bir çox iş və qərarlar var", deyə nazir bildirib.

O əlavə edib ki, bu, ilk növbədə, nazirliyin məsləhət şurası ilə müzakirə edilməli olan müəyyən müdafiə sazişinə aiddir. Ellemann-Yensen vurğulayıb ki, bu və bir çox başqa işlər yaxın vaxtlarda öz həllini tapacaq.

Danimarkanın müdafiə naziri 2023-cü ilin fevral ayının əvvəlindən istirahət etmək üçün qeyri-müəyyən müddətə xəstəlik məzuniyyətinə çıxıb. Onun sözlərinə görə, stresslə mübarizə aparmaq üçün istirahət lazım idi. Eyni zamanda, Ellemann-Yensen bu qərarın onun karyerasında ən çətin qərarlardan biri olduğunu qeyd edib. Müdafiə naziri olmadığı müddətdə onun vəzifələrini krallığın iqtisadiyyat naziri Troels Lund Poulsen yerinə yetirirdi.

Samir