Moldovanın müxalif Liberal Demokrat Partiyasının rəhbəri, respublikanın keçmiş baş naziri Vladi Filatın sözlərinə görə, hakim Fəaliyyət və Həmrəylik Partiyası (PSD) Avropa İttifaqına üzvlük prosesi adı altında Moldovada demokratiyaya xələl gətirir. 

HİT.az xəbər verir ki, onun sözlərinə görə, onlar hakimiyyətə gələndə bütün dövlət qurumlarını özlərinə tabe ediblər.

“Bu, cəmiyyətlə münasibətlərdə aşağıdakı düsturla idarə olunan demokratiyaya zərərli konstruksiyadır: ya PDS çərçivəsində var, ya da ümumiyyətlə yoxdur. Onlar öz hakimiyyətinə dövlət qurumlarına qarşı aqressiv hücumla, kadrların təmizlənməsi və sadiq adamların yerləşdirilməsi ilə başladılar, bütün dövlət qurumlarını tabe etdilər, zəiflədilər”, deyə Filat bildirib.

O əlavə edib ki, hakim partiya öz nüfuzundan noyabrın əvvəlində keçiriləcək yerli seçkiləri saxtalaşdırmaq üçün istifadə etməyə hazırlaşır. Filat vurğulayıb ki, Fəaliyyət və Həmrəylik dövlət əhalisinin mənafeyindən çıxış etmir və bunu səsvermənin nəticələri sübut edəcək.

Qeyd edək ki, 2020-ci ildən qərbyönlü Fəaliyyət və Həmrəylik Partiyasının lideri Maya Sandu Moldovanın prezidentidir.

Samir