Nigerin Fransadakı səfiri Aişatou Bulama Kane vəzifəsindən uzaqlaşdırılmasını elan edən üsyançıların qərarını tanımır.

Hit.az xəbər verir ki, o, bu barədə "France 24" telekanalının efirində açıqlama verib.

“Mən Niger prezidenti Məhəmməd Bazumla əlaqə saxlayıram, o deyib ki, mən vəzifəmdə qalıram və öz vəzifələrimi yerinə yetirməyə davam etməliyəm”, deyə səfir diplomatik missiyanın hər zamanki kimi fəaliyyətini davam etdirdiyini qeyd edib.

Bundan əvvəl Nigerdəki üsyançıların hakim orqanı olan Vətənin Qurtuluşu Milli Şurası Nigeriyanın xaricdəki 4 səfirinin geri çağırıldığını açıqlamışdı. Şura sözçüsü polkovnik Amadu Abdramanın sözlərinə görə, "

Vətənin Xilaskarlığı Milli Şurası Nigerin Fransa, ABŞ, Nigeriya və Toqodakı səfirlərinin səlahiyyətlərinə xitam verildiyini elan edir.

İyulun 26-da Nigerdə ​​üsyançı hərbi qrup prezident Məhamməd Bazumun vəzifəsindən kənarlaşdırıldığını, sərhədlərin bağlandığını, komendant saatı tətbiq edildiyini və konstitusiyanın fəaliyyətinin dayandırıldığını elan edib. İyulun 28-də üsyançılar elan ediblər ki, prezident qvardiyasına rəhbərlik edən, Bazumu və ailəsini prezident iqamətgahında saxlayan general Abduraxman Tçiani ölkənin yeni başçısı olub.

Samir