2022-ci ildə Almatıya gedən rusların demək olar ki, yarısı Rusiyaya qayıtmayıb. 

HİT.az xəbər verir ki, Rusiyanın Almatıdakı baş konsulu Yevgeni Bobrov deyir. 

Onun sözlərinə görə, şəhərə 100 mindən çox insan gəlib, onlardan təxminən 50-55 min nəfəri məskunlaşıb.

Bobrov TASS-a müsahibəsində rusların konsulluq idarəsinə müraciətləri ilə bağlı vəziyyətin kəskin olaraq qaldığını bildirib. O, aydınlaşdırıb ki, Almatıda ən çox müraciət edilən konsulluq xidmətləri cinayət tərkibinin olmaması haqqında arayışların alınması və xaricə səyahət üçün pasportların verilməsidir.

“Köçürülənlərin əksəriyyəti Qazaxıstana daxili pasportla gəliblər və indi onlar müvəqqəti yaşamaq icazəsi və ya yaşayış icazəsi üçün sənədləri Qazaxıstanın miqrasiya orqanlarına təqdim etmək istəyirlər”, deyə baş konsul bildirib.

Qazaxıstan hakimiyyətinin verdiyi məlumata görə, 2022-ci ilin sentyabrında Rusiyada qismən səfərbərlik elan edildikdən sonra 400 minə yaxın rusiyalı respublikaya gəlib. Ümumilikdə ötən il ölkəyə 2,9 milyona yaxın Rusiya vətəndaşı daxil olub. Yanvarda Qazaxıstan əcnəbilərin, o cümlədən rusların ölkəyə giriş və qalma qaydalarını sərtləşdirib. Fevral ayında respublikanın hakimiyyət orqanları daxili pasportdan istifadə etməklə yaşayış icazəsinin verilməsini də qadağan edib.

Samir