Çexiya Təhlükəsizlik Şurası ötən həftə Rusiyanın ölkə üçün ən ciddi təhlükə adlandırdığı yeni müdafiə strategiyasının layihəsini təsdiqləyib. 

HİT.az xəbər verur ki, münaqişə baş verərsə, Çexiya “müttəfiq qüvvələr üçün mühüm nəqliyyat arteriyasına çevriləcək”. 

"Seznam Zpravy" nəşrinin məlumatına görə, oktyabrda sənəd Çexiya hökuməti tərəfindən təsdiqlənməlidir. Nəşr qeyd edir ki, yeni strategiya Ukraynadakı hərbi münaqişəni nəzərə alır. Çexiyaya görə, bu, yalnız ölkənin NATO-ya üzvlüyünün vacibliyini təsdiqləyir. 

Çexiya hakimiyyətinin fikrincə, Alyans düşməni hücumdan çəkindirmək və mümkün təcavüzdən qorunmaq məqsədi daşıyır. 

“Çexiyaya və ya NATO-ya, həmçinin Avropa İttifaqı ölkələrindən birinə hərbi hücum ehtimalı Soyuq müharibə bitdikdən sonra ən yüksək səviyyədədir. Rusiya uzunmüddətli perspektivdə Çexiya və onun müttəfiqlərinin təhlükəsizliyinə ən ciddi təhdid yaradacaq”, deyə sənəddə qeyd edilir.

Çexiyanın müdafiə siyasətinin əsas vəzifəsi nüvə silahı ilə təchiz edilmiş texnoloji cəhətdən inkişaf etmiş düşmənlə uzun, yüksək intensivlikli müdafiə müharibəsinə hərtərəfli hazırlıq adlanır. Yeni strategiyaya görə, yaxşı silahlanmış və təlim keçmiş qüvvələr yaratmaq, həmçinin Çexiya ərazisini çoxlu sayda müttəfiq qoşunlarının mümkün transferinə hazırlamaq vacibdir. Sənəddə qeyd edilir ki, Çexiyanın müdafiəsi yalnız peşəkar hərbi personal tərəfindən təmin edilə bilməz və silahlı qüvvələrin ehtiyatları müdafiədə böyük rol oynamalıdır.

Sentyabrın 27-də Çexiya hökuməti 2024-cü il üçün müdafiə büdcəsini təsdiqləyib. İlk dəfə ÜDM-in 2%-nə (6,8 milyard dollar) çatacaq ki, bu da NATO-nun minimum göstəricilərinə uyğundur. Alyansın iyul ayında Vilnüsdə keçirilən sammitinin yekunlarına əsasən, Rusiya öz təhlükəsizliyinə ən ciddi təhdid adlandırılıb. NATO ölkələri hər il ÜDM-in ən azı 2%-ni müdafiə sahəsinə və müdafiə büdcələrinin ən azı 20%-ni əsaslı avadanlıqlara, o cümlədən müvafiq tədqiqat və inkişafa sərmayə qoymağı öhdələrinə götürüblər.

Samir