Navarra Dövlət Universitetinin (İspaniya) tədqiqatçıları şəkərsiz qəhvənin arıqlamağa kömək etdiyini müəyyən ediblər. Bu içki maddələr mübadiləsini sürətləndirir və simpatik sinir sistemini stimullaşdırır. 

HİT.az xəbər verir ki, bu barədə "NewsMedical" məlumat yayıb.

Araşdırmada təxminən 155 min qəhvə həvəskarı iştirak edib. Bütün iştirakçılar yemək vərdişləri, çəkisi və sağlamlıq vəziyyəti haqqında məlumat verən sorğu vərəqlərini doldurublar. Tədqiqatçılar kofeinsiz qəhvə istehlakı səviyyələrini, həmçinin iştirakçıların içkiyə şəkər, qaymaq və ya dadlandırıcı əlavə edib-etmədiyini təhlil ediblər.

Dörd ildən sonra məlum olub ki, müntəzəm olaraq bir çay qaşığı şəkərlə qəhvə içən iştirakçılar 0,09 kq çəki qazanıblar. İçkiyə süd və ya qaymaq əlavə edənlər əvvəlki çəkilərini saxlayıblar. Hər gün südsüz və şəkərsiz bir fincan içən subyektlər 4 il ərzində orta hesabla 0,12 kq arıqlayıblar.

Çox güman ki, bu nəticə qəhvənin maddələr mübadiləsini sürətləndirmək, yandırılan kalorilərin sayını artırmaq qabiliyyəti ilə bağlıdır. Bundan əlavə, içki simpatik sinir sistemini stimullaşdırır, bu da insanı daha çox hərəkət etməyə təşviq edir.

Tədqiqatçılar şəkərsiz, kofeinli və ya kofeinsiz qəhvə istehlakının artırılmasının kilo vermək üçün təsirli ola biləcəyi qənaətinə gəliblər. Bununla belə, şəkərli qəhvə əlavə funtlardan qurtulmağa kömək edə bilməz.

Samir