Fransa prezidenti Emmanuel Makron bildirib ki, Avropa İttifaqının qaçqın və miqrantların ittifaqa yerləşdirilməsi planına qarşı çıxan Polşa və Macarıstanın mövqeləri belə bir qərarın əngəllənməsinə səbəb olmayacaq. 

HİT.az xəbər verir ki, bu barədə "Reuters" məlumat yayıb.

"Polşa və Macarıstan nazirlər səviyyəsində təsdiqlədikləri danışıqlar masasında fikir ayrılıqlarını ifadə etdilər, lakin bu, səs çoxluğu ilə qəbul edilə biləcək qərara mane olmaq xarakteri daşımır", deyə Makron bildirib.

Bundan əvvəl Macarıstanın baş naziri Viktor Orban ölkəsinin qeyri-qanuni miqrasiya ilə bağlı barışmaz mövqe tutacağını bildirmişdi: "Biz sərhədlərimizi həm miqrantlardan, həm də Brüssel bürokratlarından qoruyacağıq!".

Polşanın baş naziri Mateuş Moravetski isə demişdi ki, Avropa İttifaqının bir çox ölkəsi qeyri-qanuni miqrantların məcburi köçürülməsi ilə razılaşmaq istəmir, lakin bir çoxları Brüssel və Berlinin diqtəsindən qorxurlar.

Samir