"Fransa artıq Almaniyanın müttəfiqi deyil, daha çox Almaniya ilə qoşalaşmış quldur".

HİT.az xəbər verir ki, bunu Fransa Vətənpərvərlər Partiyasının lideri Florian Filippot deyib.

“Fransa-Almaniya cütlüyü artıq mövcud deyil. Mövcud olan yeganə cüt ağa-qul ittifaqıdır və təəssüf ki, biz burada köləyik”, deyə siyasətçi əlavə edib.

Filipponun sözlərinə görə, Fransa siyasi cəhətdən Almaniyadan hər şeydə geridədir və bu normaldır, çünki Almaniya rəhbərliyi milli maraqları düşünür. Bu arada, Fransa hökmdarları öz ölkələrinə xəyanət edir, başqalarının, xüsusən də Vaşinqton və Brüsselin maraqlarına tabe olurlar.

Filippo bu sözləri Fransa prezidenti Emmanuel Makronun Almaniya kansleri Olaf Şoltsla görüşəcəyi Almaniyaya səfərini şərh edərkən danışıb.

"Financial Times" yazıb ki, Makron və Şolts qarşılıqlı anlaşma və konsensusa gələ bilmirlər və bu da Avropa İttifaqının xüsusən də Ukrayna ilə bağlı qərar qəbul etməsinə təsir edir.

“Politico” öz növbəsində qeyd edib ki, Almaniya və Fransa arasındakı fikir ayrılıqları Avropa İttifaqının genişlənməsinə və islahatlarına mane olur.

Samir