"Yaxın Şərqdə böhranın genişlənməsi enerji təchizatının dayandırılmasına səbəb ola bilər". 

HİT.Az xəbər verir ki, bunu İraqın baş naziri Məhəmməd Sudani Rusiya Enerji Həftəsi forumunda Fələstin-İsrail münaqişəsi mövzusunun müzakirə edildiyi zaman deyib.

“Regionda böhranın və münaqişənin genişlənməsi, şübhəsiz ki, sabitliyi pozacaq. Enerji təchizatı, həm də bu tədarükün dayandırılması təhlükəsi var”, deyə baş nazir qeyd edib.

Sudaninin fikrincə, Yaxın Şərq həssas bölgədir və enerji bazarlarını resurslarla doldurduğu üçün çox vacibdir.

Baş nazir hesab edir ki, İsrailin quru əməliyyatı ilə Qəzza zolağına mümkün müdaxiləsi ciddi nəticələrə gətirib çıxaracaq. Onun sözlərinə görə, ərəb ölkələrinin vətəndaşları fələstinlilərə qarşı hücumları son dərəcə mənfi qəbul edirlər:

“Qəzzanın davamlı bombalanması və quru əməliyyatına dair eyhamların hamısı regionda çılğınlığa gətirib çıxarır. Müsəlman və ərəblər bütün bu cinayətləri görəndə qəzəblənir. Adi insanların fikirlərinə məhəl qoymamaq və nəzərə almamaq bütün dünya üçün çox böyük təhlükə yaradır".

Samir