Ötən gün Qəzza zolağına atılan raketlərdən biri Əl-Əhli Baptist xəstəxanasına düşüb. Nəticədə 800-ə qədər insan ölüb. Bununla bağlı olaraq, bir sıra ölkələr matəm elan edib.
Hit.az həmin ölkələrin siyahısını təqdim edir:
* Fələstin Prezidenti Mahmud Abbas xəstəxanaya hücumdan sonra ölkədə 3 günlük matəm elan edib.
* İran hökuməti də bununla bağlı olaraq ölkədə matəm elan edib. Həlak olan fələstinlilərin xatirəsinə ehtiram məqsədilə qara matəm bayrağı qaldırılıb.
* Qəzzada xəstəxanaya hücum nəticəsində ölənlərin xatirəsinə Suriyada da 3 günlük matəm elan edilib. Bu müddət ərzində Suriyada və onun xaricdəki bütün səfirliklərində bayraqlar yarıya endirilib.
*İordaniyada da bununla bağlı olaraq 3 günlük matəm elan edilib. İordaniya Kral Məhkəməsindən verilən açıqlamada Kral II Abdullah İsrailin Qəzza zolağındakı Əl-Əhli Baptist Xəstəxanasına hücum pislənilib. "Qəzzada Baptist Xəstəxanasında törədilən qətliamı görməməzlikdən gəlmək dəhşətli bir müharibə cinayətidir", deyə o bildirib.
* Türkiyədə də Qəzzaya görə 3 günlük matəm elan ediləcək. Türkiyə Prezident Administrasiyasının qərarına əsasən, Qəzza zolağında xəstəxananın bombalanması nəticəsində çox sayda insanın həyatını itirməsi ilə əlaqədar matəm elan olunacaq.
Aynur Əli
