Arizonadakı Planet Elmləri İnstitutunun amerikalı planetoloqları Marsda həyat izlərinin qala biləcəyi yeri müəyyən ediblər. Söhbət qırmızı planetin Oksi Palusunun ekvatorial yaylasında quru palçıqlı göldən gedir. 

HİT.az xəbər verir ki, bu barədə "Scientific Reports" (SciRep) elmi jurnalı yazır.

"Mars gölləri və palçıq vulkanları artıq tədqiqat obyekti olsa da, bizim işimiz xüsusi olaraq ehtimal olunan palçıq gölünə yönəlmiş ilk hərtərəfli təhlildir", deyə tədqiqatin baş müəllifi Aleksis Rodriges bildirib.

Alimlər hesab edirlər ki, təxminən 3,7 milyard il əvvəl Marsın səthi suları atmosferin seyrəlməsi və səthin soyuması nəticəsində donub. Lakin planetin dərinliklərində qrunt suları maye şəklində qalıb. Üstəlik, bu sularda bəzi həyat formaları yaşaya bilər.

Təxminən 3,4 milyard il əvvəl Marsın sulu təbəqəsi sistemi dağılıb, böyük həcmdə daşqına səbəb olub və dağlar çöküb. Bu hadisə xaotik ərazi kimi tanınan şeyi yaradıb - dağların qarmaqarışıqlığı, parçalanmış kraterlər və kələ-kötür dərələr. Onun ortasında qrunt sularının qalxması əlamətləri olan nisbətən düz səthli dairə var.

Elmi işin müəllifləri modelləşdirməyə əsaslanaraq, bu çöküntülərdə vaxtilə mövcud olan orqanizmlərin izlərini ehtiva edə biləcəyini irəli sürürlər.

Alimlər gələcək Mars missiyaları zamanı Oxia Palus-a gedəcək tədqiqat avadanlığının köməyi ilə öz təxminlərini təsdiqləməyi gözləyirlər.

Samir