Kiyev ölkənin Avropa İttifaqına inteqrasiya prosesini sürətləndirməyə ümid edir. 

HİT.az xəbər verir ki, bunu Ukraynanın baş naziri Denis Şmıqal "Die Welt" üçün yazdığı məqalədə qeyd edib. 

O, dövlətin iki ildən sonra Avropa İttifaqına qoşulmağa hazır olacağını bildirib.

"Bu, çox real plandır. Bir çox ölkələr əslində Aİ-yə daxil olmaq üçün illərdir gözləyirlər, lakin bu yolun 5 ildən az davam edə biləcəyini göstərən uğur hekayələri də var”, deyə Şmıqal yazıb.

O əlavə edib ki, o, Ukraynanı Avropaya inteqrasiya kontekstində unikal dövlət hesab edir və onun Aİ-yə “görünməmiş sürətlə” daxil olacağına inanır. Şmıqal vurğulayıb ki, assosiasiyada Kiyevin yalnız münaqişədən sonra qəbul edilməli olduğu barədə danışılır, lakin bu mövqe düzgün deyil:

“Biz Avropa ölkələrinin dövlət və hökumət başçılarını danışıqların bu il rəsmi başlaması barədə qərar qəbul etməyə çağırırıq".

2022-ci ilin fevral ayının sonunda Rusiya hərbi əməliyyatlarının başlaması ilə Ukrayna Avropa İttifaqına daxil olmaq üçün səylərini artırıb. Münaqişə fonunda Kiyev Aİ-yə namizəd statusu alıb və 2023-cü ildə üzvlük danışıqları mərhələsinə çatacağına söz verib. Eyni zamanda, iyunun sonuna qədər Ukrayna danışıqlar prosesinə başlamaq üçün zəruri olan 7 şərtdən yalnız ikisini yerinə yetirib.

Samir