İranın Qəzza zolağına hücumunu davam etdirəcəyi təqdirdə ciddi nəticələrlə üzləşəcəyi ilə bağlı İsrailə xəbərdarlıq etməsinə baxmayaraq, Tehran Yaxın Şərqdə birbaşa münaqişəyə girməyəcək.

HİT.az xəbər verir ki, bu barədə "Asia Times" yazır.

Qeyd edilir ki, İran İsrailin kəskin cavabından ehtiyat edərək münaqişədə birbaşa iştirak etmək niyyətində deyil.

"İranın Qəzza zolağında müharibəyə daxil olması düşmənlər arasında döyüşlərdə yeni bir səhifə açacaq və müharibəni birbaşa İranın astanasına gətirəcək", deyə məqalədə qeyd olunur.

"Asia Times" yazır ki, Tehran aqressiv ideoloji ritorika ilə siyasi məqsədəuyğunluq arasında tarazlığı saxlamalıdır, lakin o, "müharibənin gözlənilməz dumanında asanlıqla pozula bilər".

Material İranın İsrailə qarşı rəsmi xəttinin son dərəcə radikal olduğunu göstərir: "Tehran yəhudi dövlətinin mövcud olmaq hüququnu inkar edir və onu sionist qurum adlandırır. Bununla belə, İran İsraillə açıq qarşıdurmanın ona çox baha başa gələ biləcəyini tam başa düşür. Bu, təkcə İsrailin İran hədəflərinə hərbi cavab zərbəsi ilə deyil, həm də öz vətəndaşları arasında getdikcə gözdən düşən rejim üçün siyasi nəticələrə gətirib çıxara bilər".

Buna görə də İran ardıcıl olaraq Tehranın imicini dəstəkləyən, lakin dövlətin mövcudluğuna təhlükə yaratmayan digər radikal qrupların köməyi ilə aşağı intensivlikli toqquşmaların lehinə olaraq müharibə astanasından uzaqlaşır.

Samir