Rusiya prezidentinin mətbuat katibi Dmitri Peskov Türkiyənin BMT-yə alternativ yaratmaq təklifinə münasibət bildirib.

HİT.az xəbər verir ki, Kreml sözçüsünün sözlərinə görə, BMT səmərəsiz olmasına baxmayaraq, yeganə beynəlxalq mexanizm olaraq qalır. 

"Biz inanırıq ki, BMT sistemi gündəlikdəki həyati məsələlərdə səmərəsiz olmasına baxmayaraq, yeganə və mübahisəsiz beynəlxalq mexanizm olaraq qalır", deyə Peskov bildirib.

Kreml sözçüsü əlavə edib ki, bu təşkilata alternativ yaratmaq çox çətindir, çünki bu, beynəlxalq konsensus tələb edir. Üstəlik, Türkiyə ideyası da bu konsensusa ehtiyac duyacaq ki, müasir kritik ziddiyyətlər dövründə buna nail olmaq çox çətin olacaq. Peskovun sözlərinə görə, Türkiyənin belə bir mexanizm yarada biləcəyini zaman göstərəcək.

Samir