Kişinyovdakı Avropa nümayəndə heyətinin rəhbəri Janis Majeix Moldovanın Avropaya inteqrasiyası üçün zəruri islahatların həyata keçirilməsinə nail olmaq lazım olduğunu bildirib. 

HİT.az "Radio Moldova"ya istinadən xəbər verir ki, o, çətin şəraitə baxmayaraq, respublikanın bu istiqamətdə çox yaxşı işlər gördüyünü vurğulayıb.

“Avropa inteqrasiyası yolu ilə inkişafın ən yaxşı yolu bütün tələbləri yerinə yetirmək və islahatların həyata keçirilməsində irəliləyiş əldə etməkdir. Keçən ildən Moldova Respublikası Avropa Komissiyası tərəfindən müəyyən edilmiş 9 tövsiyənin həyata keçirilməsinə güclü sadiqlik nümayiş etdirib. Çətin şəraitə baxmayaraq, bununla bağlı çox yaxşı işlər görülüb”, deyə səfir bildirib.

O, həmçinin qısa müddət ərzində əldə edilmiş təsirli irəliləyişləri qeyd edib.

Janis Majeix Aİ-nin Moldovanın Avropa gələcəyinə inandığını vurğulayaraq, ittifaqın ölkənin üzv olmaq səylərini dəstəkləyəcəyinə inandırıb.

Samir